سموا نفسي وعزي اكبر اهمومي
ادور العز وارقى في السما عالي
فيااللي تظنون ظن السوء في قومي
انا سلايل قروم تنطح اجبالي
ماجيت للمنتدى والقلب محرومي
ادور الحب واعطي رقم جوالي
بالعكس انا جيتكم والوجه محشومي
مااجيت ادور علاقه مالها تالي
جتني رسايل تسأل وشهي اعلومي
وان كان تبغون علمي فااشهد الوالي
اني ماعمري ماشيت بدرب موصومي
بالعار من صغر سني لين ذا حالي
ادري بشر والبشر ماهوب معصومي
لكن ذنبي اكفر عنه باافعالي
اصلي الفرض واكمل فرضي بصومي
وادعي الاهي يزيل الهم عن بالي
نجم سما بالكرامه فوق لنجومي
ماهمني حكي حسادي وعذالي
ماجيت للمنتدى اكسر طفش يومي
ولاجيت ابد لتعارف وابني امالي
جيت اثري المنتدى وازين اقدومي
واكتب قصايد الين السبك يحلالي
فيااللي سألتوا تروا ها الامر محسومي
كرامتي يابشر ورثي وهي مالي
الحظ قسمه وانا يازين مقسومي
دام الكرامه عليها اكرب احبالي
ثلاثة ايام جفني منحرم نومي
من نظرة الناس فيني زاد غربالي
